2022 jyldyń qańtar-aqpan aılarynda mindetti áleýmettik medısınalyq saqtandyrý úshin elordalyqtardan 8,6 mlrd teńge jarna aýdarymdary túsken, dep habarlaıdy Egemen.kz.
Bul týraly áleýmettik medısınalyq saqtandyrý qorynyń elordalyq fılıaly málimdedi.
Al jalpy 2017 jyldyń 1 shildesi men 2022 jyldyń 28 aqpany aralyǵynda Nur-Sultan qalasy boıynsha medısınalyq saqtandyrý úshin jınaqtalǵan jarna 109,4 mlrd teńgeden asa somany qurady.
«2022 jyldyń qańtar-aqpan aılarynda medısınalyq saqtandyrý úshin elordalyqtar 8,6 mlrd teńge jarna aýdarǵan. Onyń ishinde jumys berýshilerdiń aýdarymdary 4,5 mlrd teńgege jýyq, al jeke kásipkerlerden túsken jarna – 4,1 mlrd teńge.
Mindetti áleýmettik medısınalyq saqtandyrý úshin túsken barlyq jarna aýdarymdary, ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes, Ulttyq bankte saqtalady da, medısınalyq qyzmetter aqysyn tóleýge jumsalady. TMKKK jáne MÁMS paketteri boıynsha halyqqa kórsetilgen medısınalyq qyzmetterdiń sapasy men kólemine monıtorıng jasap, teksergennen keıin ǵana Qor jetkizýshilerine tólem júrgiziledi», deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
Medısınalyq saqtandyrý qory pasıentter quqyǵyn qorǵaıdy. Qandaı da bir suraqtar týyndaǵan jaǵdaıda: Qoldau 24/7 mobıldi qosymshasy, @saqtandyrybot telegramboty, 1406 baı̆lanys ortalyǵy, Qordyń fms.kz saı̆ty sekildi keri baı̆lanys arnalary arqyly Qorǵa habarlasýǵa bolady.